ریاست تلنگانہ کے کریم نگر ضلع کے این پی ڈی سی ایل دفتر کے قریب الکٹریسٹی اسٹور میں آگ لگنے کا واقعہ پیش آیاجس میں کئی درجن بجلی کے ٹرانسفارمرس جل کر خاکستر ہوگئے تاہم اس واقعہ میں کسی جانی نقصان کی کوئی اطلاع نہیں ملی ہے۔
بتایاجاتا ہے کہ شارٹ سرکٹ آگ لگنے کی وجہ ہے، اطلاع ملتے ہی فائربریگیڈس کے اہلکار وہاں پہنچے جنہوں نے آگ پر قابو پایا، اس واقعہ میں ہوئے نقصان کا اندازہ لگایا جارہا ہے۔
وزیر جی کملاکر، ضلع کلکٹر ششانک، کمشنرپولیس کملاسن ریڈی اور دیگر نے جائے حادثہ کا معائنہ کیا۔
محکمہ بجلی کے عہدیداروں نے کہا کہ اس اسٹور کے قریب بجلی کے تار، ٹرانسفارمرس کی زد میں آگئے جس کے نتیجہ میں یہ واقعہ پیش آیا۔
واضح رہے کہ ایک ہفتہ پہلے ناگرکرنول ضلع کے سری سیلم پاور اسٹیشن کے چوتھے یونٹ میں آگ لگنے کا واقعہ پیش آیا تھا جس میں 9 افراد ہلاک ہوگئے تھے۔
