لیہ اور کرگل کے طلباء تنظیموں نے مشترکہ طور پر ایک پریس کانفرنس منعقد کرتے ہوئے حکومت سے اپیل کی کہ وہ لداخ میں سرکاری اسامیوں کی تقرری کے لیے علیحیدہ پبلک سروس کمیشن، سروسز سلیشکن بورڈ قائم کیا جائے۔
انہوں نے کہا کہ جس طرح سے جموں و کشمیر میں ایس ایس آر بی ہے اسی طرز پر لداخ میں بھی لداخ سروسز سیلیکشن بورڈ قائم کیا جائے تاکہ یہاں کے طلبا کو مشکلات کا سامنا کرنا نہ پڑے۔
طلبا تنظیموں نے کہا کہ پی ایس سی امتحانات میں شرکت کرنے کے لیے طلباء کو سرینگر یا جموں جانا پڑتا ہے جس دوران انہیں کافی دشواریاں پیش آتی ہیں،۔
انہوں نے کہا کہ لداخ کے مختلف کالجز میں مختلف شعبوں میں اسامیاں خالی پڑی ہوئی ہیں اور انہیں فوری طور پربھرتی عمل میں لائی جائے۔
طلباء تنظیموں نے لداخ یونیورسٹی کے لیے بنیادی سہولیات اور اسکول کی تعلیم کے لیے لداخ بورڈ کی حکومت سے مانگ کی۔
واضح رہے دونوں تنظیموں نے مستقبل میں طلبا کے مسائل کو حل کرنے کے لیے ایک جوائنٹ ایکشن کمیٹی کی تشکیل کرنے کا فیصلہ لیا ہے
