جمعیت علمائے ہند شہر کانپور یونٹ نے کانپور کے پریڈ گراؤنڈ پر اس سہ روزہ جلسہ معراج النبی کا انعقاد کیا۔ پروگرام کے آخری دن مشاعرہ نعت و مدح صحابہ کا انعقاد کیا گیا، اس مشاعرے میں بھارت کے تمام مشہور و معروف نعت گو شعراء کرام نے شرکت کی۔ شعرائے کرام نے اپنے اپنے کلام سے نبی کریم صلی اللہ علیہ وسلم کی عظمت بیان کی اور تمام صحابہ کرام کی مدح کی۔
پروگرام میں بعض شعرا کرام نے موجودہ وقت کی مہلک وبا کرونا وائرس پر بھی قرآن اور حدیث کی روشنی میں اس کا علاج بتایا۔
مزید پڑھیں: 'کورونا سے لڑنے کے لیے سارک ممالک متحد'
واضح رہے کہ جمعیت علماء ہند شہر کانپور یونٹ ہر برس کانپور کے پریڈ گراؤنڈ پر جلسہ معراج النبی کا انعقاد کرتی ہے، تین دن تک چلنے والے اس اجلاس میں مختلف قسم کے پروگرام کا انعقاد کیا جا تا ہے جس میں کثیر تعداد میں شہر کے علمائے کرام، طلباء اور عوام شرکت کرتے ہیں۔
