کانپور: ضلع میئر نے چیف میڈیکل آفیسر کی سرزنش کی

میئر پرمیلا پانڈے نے چیف میڈیکل آفیسر اشوک کمار شکلا کو ہدایت دی ہے کہ وہ خود کارپوریٹرز کے ساتھ شہر کا جائزہ لیں اور کہیں بھی کوئی کمی پائی گئی تو اُتر پردیش کے وزیراعلی یوگی آدتیہ ناتھ سے اس کی شکایت کریں گی۔

ریاست اتر پردیش کے ضلع کانپور میں ان دنوں ڈینگو کا مرض پھیلا ہوا ہے، کانپور کے دیہی علاقوں میں اسکا زیادہ زور ہے ،ڈینگو کے سیکڑوں مریض کانپور کے 'ہیلٹ اسپتال' کے ڈینگو وارڈ میں بھرتی ہیں۔

ڈینگو کے مرض سے اب تک کانپور میں آدھا درجن سے زیادہ لوگوں کی موت ہوچکی ہے۔اس معاملے میں ضلع انتظامیہ کی لاپرواہی سامنے آئی ہے۔

کانپور ضلع میئر کے حرکت میں آنے کے بعد چیف میڈیکل آفیسر نے اب اس پر اقدام کرنے کا دعوی کیا ہے۔کانپور میں ان دنوں وائرل فیور پھیلا ہوا ہے، وائرل فیور کے مریضوں میں اکثر ڈینگو کے اثرات پائے جا رہے ہیں۔

جن کو ہیلٹ اسپتال کے ڈینگو وارڈ میں شفٹ کیا جا رہا ہے، ڈینگو کے مریضوں کو لے کر ضلع انتظامیہ کی لاپرواہی سامنے آئی ہے۔

کانپور شہر کے کارپوریشن ہاؤس میں جب کارپوریٹرس نے ہنگامہ شروع کیا تو کانپور کی میئر مسیز پر ملا پانڈے نے چیف میڈیکل آفیسر کو نگرنگم میں بلایا اور ان سے حالات کا جائزہ لینے کے بعد انکی سر زنش کی

جس کے بعد چیف میڈیکل آفیسر نے فورا اس پر قابو پانے اور ضروری اقدام کرنے کا کا وعدہ کیا ہے۔

میئر پر میلا پانڈے نے چیف میڈیکل آفیسر اشوک کمار شکلا کو ہدایت دی ہے کہ وہ خود کارپوریٹر ز کے ساتھ ساتھ شہر کا جائزہ لیں گی اور کہیں بھی کوئی کمی پائی گئی تو اُتر پردیش کے وزیر اعلی یوگی آدتیہ ناتھ سے ان کی شکایت کریں گی۔