باندہ: سڑک حادثے میں چار ہلاک دو زخمی

اترپردیش کے ضلع باندہ کے گرواں علاقے میں جمعرات کو کار اور روڈ ویز بس میں ہوئی ٹکر میں چار عقیدت مندوں کی موت ہوگئی جبکہ دیگر دو افراد شدید طور سے زخمی ہوگئے۔

پولیس نے بتایا کہ باندہ۔چترکوٹ شاہراہ پر مہوا گاؤں کے نزدیک یہ حادثے اس وقت پیش آیا جب روڈویز کی تیز رفتار بس مخالف سمت سے آرہی کار سے ٹکرا گئی۔ اس حادچے میں چترکوٹ سے درشن کر کے آرہے کار سوار چار عقیدت مندوں کی موت ہوگئی جب کہ دیگر دو شدید طور سے زخمی ہوگئے۔زخمیوں کو علاج کے لئے ضلع اسپتال میں داخل کرایا گیا ہے۔

انہوں نے بتایا کہ بس ڈرائیور کو گرفتار کرلیا گیا ہے۔مہلوکین کی شناخت کی کوشش کی جارہی ہے۔ حادثے کی وجہ سے باندہ چترکوٹ شاہراہ پر دونوں جانب گاڑیوں کی قطاریں لگ گئی ہیں۔