کرناٹک کے وزیر اعلیٰ بی ایس یدی یورپا کی صدارت میں کرناٹک کابینہ اجلاس منعقد ہوا۔ جس میں ریاستی حکومت کی جانب سے ریاست بھر میں لاک ڈاؤن کو 31 مئی تک جاری رکھنے کا فیصلہ کیا گیا ہے۔
اس دوران ریاست بھر میں ٹرانسپورٹ خدمات بحال کرنے کا بھی فیصلہ کیا گیا ہے۔ کرناٹک کے کسی بھی شہر میں (کنٹینمنٹ زون چھوڑ کر) بس چلانے کی اجازت دی گئی ہے۔
اس موقع پر ضلع ہاویری ہرے کیرور شہر میں کے یس آر ٹی سی بس ڈیپو میں آج بس خدمات شروع کیا گیا۔ اس دوران یہاں کے کے یس آر ٹی سی ورکرس کی جانب سے بسوں میں سفر کرنے والے مسافروں کو سینیٹائزر کا استعمال لازمی قرار دیتے ہوئے، مسافروں کے نام و تپہ اور عمر وغیرہ درج کرنے ہیں، اس کے ساتھ ہی ایک بس میں 30 مسافروں کو سفر کر نے کی اجازت دی گئی ہے۔ سفر کے دوران مسافرین کو سماجی دوری برقرار رکھنا اور ماسک کا استعمال کر نا بھی ضروری ہوگا۔
