ریاست ہریانہ کے شہر جیند کے کھٹکڑ گاوں واقع ٹول پلازا پر جاری کسان دھرنے پر کسانوں کی حمایت کرنے پہنچے کانگریس کے قومی ترجمان رندیپ سرجے والا نے کہا کہ یہ لڑائی کانگریس بمقابلہ بی جے پی نہیں ہے، نہ ہی کسان مزدور بمقابلہ بی جے پی ہے، بلکہ یہ ملک بمقابلہ بی جے پی ہے۔
انہوں نے کہا کہ ملک کے وزیراعظم نریندر مودی کے پاس پاکستان کے سابق وزیراعظم نوازشریف کی ماں کے لیے غم کا اظہار کرنے کا وقت تو ہے لیکن کسان تحریک میں جاں بحق ہوچکے 57 سے زائد کسانوں کے لیے دو لفظ بولنے کا بھی وقت نہیں ہے۔
صحافیوں سے بات چیت میں کسانوں اور مرکزی حکومت کے درمیان کل ہونے والی بات چیت کے بارے میں ایک سوال کے جواب میں سرجے والا نے کہا کہ ان کسانوں کو کچھ نہیں کرنا ہے، بلکہ حکومت کو تینوں قانون واپس لینے ہیں کیونکہ ملک قوانین کے خلاف ہے۔
انہوں نے مطالبہ کیا کہ تینوں قانون رد کرکے حکومت کسانوں کے ساتھ از سرے نو بات کرے، اور وزیراعظم مودی اب فیصلہ کرلیں کہ انہیں چار صنعت کاروں کے دروازوں پر پیشانی ٹیکنی ہے یا پھر ملک کے 130 کروڑ لوگوں کے ساتھ کھڑا ہونا ہے۔
(یو این آئی)
