کورونا وائرس کے پیش نظر جھانسی مرکزی رویت ھلال کمیٹی کے جنرل سکریٹری مولانا فخرالدیں قاسمی نے مسلمانوں سے اپیل کی ہے کہ وہ 9 اپریل کو شب برات کے موقع پر گھر سے باہر نہ نکلیں۔
انہوں نے اپیل میں کہا ہے کہ عبادت اپنے گھروں میں کریں اور حکومت کے جاری کردہ رہنما اصول پرعمل کریں۔
انہوں نے کہا ہے کہ حکومت نے 21 دن تک گھروں میں قیام کا حکم دیا ہے۔ ایسی صورتحال میں مسلمان اپنے گھروں میں رہ کر خدا کی عبادت کریں۔
مذہبی رہنما نے کہا کہ گھر میں ہی نماز پڑھیں۔ شریعت مجبوری میں اس کی اجازت دیتی ہے۔ مساجد کے امام اور مؤذن مساجد میں دو تین لوگ ہی جماعت کا اہتمام کریں اور سماجی فاصلہ کا خصوصی خیال رکھیں۔
کورونا وائرس کی منتقلی روکنے کے لئے سماجی فاصلے کو برقرار رکھنا اور حکومت کی ہدایت کی پیروی کرنا لازمی ہے۔ انہوں نے کہا کہ اس وقت آپ اپنے گھروں میں ہی عبادت کریں اور اس وبا سے تحفظ کی دعا کریں۔
