پونچھ: خاتون ہیلتھ ورکر کی کورونا رپورٹ مثبت

پونچھ ضلع ہسپتال میں تعینات خاتون ہیلتھ ورکر کی کورونا رپورٹ مثبت آنے کے بعد ضلع ہسپتال کو فورا سینیٹائز کیا گیا ہے۔

ملازمہ کی رپورٹ مثبت آنے کے بعد ضلع انتظامیہ نے کارروائی کرتے ہوئے خاتون ملازمہ جہاں مقیم تھی، اس علاقے کو ریڈ زون میں تبدیل کیا گیا ہے۔

اطلاعات کے مطابق ملازمہ محلہ ریڈیو اسٹیشن پونچھ میں کرائے کے مکان میں رہتی تھی اور یہیں سے ڈیوٹی پر جاتی تھی، سرکاری حکم کے مطابق تمام ملازمین کے کووڈ 19 ٹیسٹ ہوئے تھے۔ جس میں خاتون ملازمہ کی رپورٹ مثبت آئی۔

ضلع انتظامیہ نے محلہ ریڈیو اسٹیشن کے بچتر نگر سے لے کر کشمیری کالونی کو ریڈ ژون قرار دیا ہے۔اور علاقے کو سیل کردیا ہے۔

انتظامیہ کی جانب سے جاری کیے گئےاحکامات کے خلاف ورزی کرنے والوں پر سخت کارروائی کرنے کی ہدایت دی گئی ہے۔