ترال: ڈگری کالج میں ویکسینیشن مہم اختتام پذیر

عالمی وبا کورونا وائرس کی تیسری لہر کے مد نظرآج گورنمنٹ ڈگری کالج ترال میں ایک میگا ویکسینیشن پروگرام کا اہتمام کیا گیا تھا، جس میں سب ڈسٹرکٹ ہسپتال ترال کے ساتھ وابسطہ عملے نے طلبہ کو ویکسین لگایا۔

اس موقع پر طلبہ کی جانب سے رہنما خطوط کی پاسداری کی گئی اور ویکسینیشن پروگرام کو کامیاب بنانے کے لیے پورا تعاون فراہم کیا گیا۔

ایک طالب علم نے میڈیا کو بتایا کہ ویکسینیشن کی وجہ سے ہی ہم لوگ اس وبا سے بچ سکتے ہیں اس لیے تمام طلبہ کو چاہیئے کہ اس عمل میں شرکت کریں کالج کے پروفیسر بشیر احمد شاہ نے میڈیا کو بتایا کہ 'ممکنہ تیسری لہر کو روکنے اور طلبہ کو کورونا سے بچانے کے لیے آج اس پروگرام کا اہتمام کیا گیا تھا۔ جس میں سینکڑوں طلبہ کو ویکسین لگائی گئی۔

انہوں نے کہا کہ 'ویکسینیشن بہت ضروری ہے، کیونکہ اس سے لوگوں کے اندر قوت مدافعت بڑھتی ہے اور ذہنی طور پر بھی انسان مستعد رہتا ہے پروفیسر بشیر احمد شاہ نے مزید بتایا کہ 'آج اس پروگرام کی دوسری کڑی میں تقریبا چار سو طلبہ کو ویکسین لگائی گئی۔