جموں میونسپل کارپوریشن کی زیرنگرانی گؤشالہ کی تعمیر

جموں کے پنچ گرام علاقے میں زیر تعمیر اس گؤشالہ کو دو برس میں مکمل کرنے کا ہدف جموں میونسپل کارپوریشن نے مقرر کیا ہے، جس کی تعمیر جموں میونسپل کارپوریشن کی زیرنگرانی ہوگی۔

ممبر پارلیمان جگل کمار شرما اور جموں میونسپل کارپوریشن کی کمشنر اونی لاواسا نے جموں میں 98 کنال اراضی پر مشتمل گؤ شالہ کی سنگ بنیاد رکھی، جس کی تعمیر پرپانچ کروڑ روپے خرچ کیے جائیں گے۔ جموں کے پنچ گرام علاقہ میں اس گؤ شالہ کو دو برس میں مکمل کرنے کا ہدف جموں میونسپل کارپوریشن نے مقرر کیا ہے، جس کی تعمیر جموں میونسپل کارپوریشن کی زیر نگرانی ہوگی۔

اس موقع پر جموں سے رکن پارلیمان جُگل کشور شرما نے نامہ نگاروں سے کہا کہ آج کا دن بے حد خوشی کا دن ہیں کیونکہ آج ہم نے اتنے بڑے پروجیکٹ کی سنگ بنیاد رکھی ہے جو کہ پورے جموں کے لئے فائدہ مند ثابت ہوگا'۔

انہوں نے مزید کہاکہ 'اب گایوں کو یہاں رکھا جائے گا، جو لوگ گائے کی دیکھ بال نہیں کرسکتے وہ اس گؤ شالے میں گائے کو پہنچا سکتے ہیں، اس گؤ شالے کی تعمیر سے علاقے میں دودھ کی قلت بھی ختم ہوگی'۔

جموں میونسپل کارپوریشن کی کمشنر اونی لاواسا کے مطابق 'دیگر جانوروں کو بھی اسی گؤشالہ میں رکھا جاسکے گا، کیونکہ شہر خاص جموں میں آوارہ جانوروں کے گھومنے سے لوگوں کو کافی مشکلات کا سامنا کرنا پڑ رہا ہے، اسی لئے جموں میونسپل کارپوریشن نے اس گؤشالہ کو تعمیر کرنےکا فیصلہ کیا ہے'۔