جموں پردرشنی میدان میں مظاہرہ کر رہے ان لوگوں کا کہنا ہے کہ بینک نے انہیں مستقل کرنے کا وعدہ کیا تھا اور یہ بھی کہا تھا کہ ان کے لیے بینک یو ایس بی یعنی الٹرا سمال برانچ کھولیگا، جہاں انہیں نوکری دی جائیگی۔
مظاہرین نے دی خود کو جلانے کی دھمکی
ان مظاہرین نے بینک کے چیئرمین کو انتباہ کیا ہے کہ اگر ان کی مانگوں کو نہیں مانا گیا ہے تو کچھ لوگ جے اینڈ کے بینک کے باہر خود کو آگ لگا کر خودکشی کر لیں گے، جس کی ذمہ داری بینک کے چیئرمین کی ہوگی۔
غورطلب ہے کہ خدمت سنٹرز میں کام کرنے والے ملازمین کے لیے 2012 میں جے اینڈ کے بینک کی جانب سے ایک نوٹس جاری کیا گیا تھا جس میں انہیں بینک میں مستقل کرنے کی بات کہی گئی لیکن افسوس وہ حکم اب تک کاغذوں تک ہی ہے۔
