دراصل جموں میں کلسٹر یونیورسٹی کے تحت آنے والے تمام کالجز میں انتظامیہ نے کالج کا وقت صبح نو بجے سے شام کے پانچ بجے تک مقرر کردیا ہے۔
طالبہ کا کالج انتظامیہ کے خلاف احتجاج
طالبات کالج انتظامیہ کے خلاف احتجاج کرتے ہوئے جموں کٹھوعہ ہائی وے تک آگئی جس کی وجہ سے ہائی وے پر ٹریفک جام ہوگئی تھی لیکن موقعے پر پہنچی پولیس نے طالبات کو سمجھانے کی کوشش کی اور معاملے کو قابومیں کیا۔
طالبات کا کہنا تھا کہ کالج کی اس وقت کی وجہ سے انہیں کافی پریشانی کا سامنا کرنا پڑے گا کیونکہ ان میں سے دیگر طالبات ایسی ہیں جو ضلع جموں کے دور دراز علاقے سے تعلیم حاصل کرنے آتی ہیں اور جس وجہ سے انہیں گھر دیری سے پہنچنا ہوگا۔
انہوں نے مزید کہا کہ ان میں دیگر طالبات شادی شدہ ہیں جس وجہ سے انہیں مزید پریشانی کا سامنا کرنا پڑے گا۔
