نیشنل کانفرنس کے صدر ڈاکٹر فاروق عبداللہ نے ٹی ایس وزیر کے اہل خانہ سے تعزیت کا اظہار کیا۔ ان کے ہمراہ نیشنل کانفرنس کے دیگر سینیئر لیڈر بھی موجود تھے۔ تاہم اس موقع پر فاروق عبداللہ نے میڈیا کے نمائندوں کے ساتھ بات کرنے سے انکار کیا۔
نیشنل کانفرنس کے سینیئر لیڈر ترلوچن سنگھ وزیر کا قتل چند روز قبل دہلی میں کیا گیا اور اب دہلی کے موتی نگر کے علاقے میں نیشنل کانفرنس کے رہنما ترلوچن سنگھ وزیر کے قتل معاملے میں کرائم برانچ نے دوسرے ملزم بِلہ کو گرفتار کیا ہے۔ اسے جموں سے گرفتار کیا گیا ہے اور پولیس کی ٹیم اسے دہلی لارہی ہے۔
معاملے میں اس نے انکشاف کیا ہے کہ اس نے ترلوچن کو تاوان کے لیے یرغمال بنایا تھا۔ لیکن بعد میں اسے پکڑے جانے کا ڈر تھا۔ اسی لیے اس نے انہیں قتل کیا۔ اس معاملے میں ایک ملزم راجیندر کو مغربی ضلع پولیس پہلے ہی گرفتار کرچکی ہے۔
معلومات کے مطابق 9 ستمبر کو پولیس نے موتی نگر علاقے میں ایک گھر سے ایک بوسیدہ لاش برآمد کی تھی جس کی شناخت ترلوچن سنگھ کے نام سے ہوئی تھی۔
مزید پڑھیں:این سی لیڈر ترلوچن سنگھ قتل معاملے میں دوسرا ملزم گرفتار
تحقیقات کے دوران پولیس کو پتہ چلا کہ ترلوچن سنگھ 2 ستمبر کو دہلی آئے تھے۔ اسے 3 ستمبر کو کینیڈا جانا تھا۔ اس دوران وہ ہرپریت سنگھ کے گھر میں ٹھہرا ہوا تھا، جہاں یہ بات سامنے آئی کہ ہرمیت سنگھ نے اسے قتل کیا ہے۔
پوسٹ مارٹم میں یہ بات سامنے آئی کہ ترلوچن سنگھ وزیر کو گولی مار کر ہلاک کیا گیا۔ اس سلسلے میں موتی نگر پولیس اسٹیشن میں قتل کا مقدمہ درج کرنے کے بعد تفتیش کرائم برانچ کو منتقل کردی گئی۔
