جموں میں منعقدہ ایک پریس کانفرنس سے خطاب کرتے ہوئے کانگریس پارٹی کے سینیئر لیڈر غلام نبی آزاد نے کہا کہ موجود دورے حکومت میں تعمیراتی عمل کے سلسلہ میں صرف تجویز کاغذوں تک سمٹ کر رہ گئی ہے اور اب اس کو تعمیر وترقی کا نام دیا جارہا ہے ۔
جموں وکشمیر کے درجے کی بحالی پر کانگریس لیڈر نے کہا کہ حکومت کی جانب سے خصوصی درجہ کی منسوخی کے بعد سے سیاحت اور صنعتی شعبہ مفلوج ہو کررہ گیا ہے۔
انہوں نے کہا کہ سینکڑوں چھوٹی بڑی صنعتیں بند ہونے کی وجہ سے لاکھوں نوجوان بے روزگار ہوگئے ہیں۔
غلام نبی آزاد نے مزید کہا کہ تمام سیاسی جماعتوں کو وقت ضائع نہیں کرنا چاہیے اور انتخابی عمل میں حصہ لے کر تعمیر و ترقی کے عمل میں شامل ہو کر عملی طور پر عوامی خدمت کرنی چاہیے تاکہ جمہوری عمل کو مضبوط بنایا جاسکے۔
مزید پرھیں:
انہوں نے کہا جمہوریت اور عوامی فلاح و بہبود کے لیے مرکزی حکومت کو چاہئے کہ انتخابات سے قبل ہی جموں و کشمیر کو ریاست کا درجہ بحال کیا جائے۔
ہم آپ کو بتادیں کہ جموں و کشمیر کانگریس کے سینیئر رہنما غلام نبی آزاد جموں کے تین روزہ دورے پر تھے دورے کے دوران موصوف نے جموں صوبے کے مختلف اضلاع کا دورہ کیا اور کانگریس کے ڈیلگیشن سے بات چیت کی ۔
