جموں وکشمیر پولیس یاسر علی کے بارے میں تحقیق کر رہی ہے جو پیشے سے ڈرائیور ہے۔ یاسر علی کا شناختی کارڈ گزشتہ شام اننت ناگ ضلع میں نیم فوجی اہلکاروں کی فائرنگ سے ہلاک ہونے والے ایک شہری کے پاس سے ملا تھا۔
جھجر کوٹلی کا رہائشی یاسر علی کے بھائی مدثر علی کا کہنا ہے کہ 'یاسر علی کا شناختی کارڈ چند روز قبل چوری ہو گیا تھا۔'
انہوں نے کہا کہ 'کل رات کو ان کے گھر پولیس کی ایک ٹیم آئی لیکن انہیں معلوم نہیں تھا کہ معاملہ کیا ہے اور بعد میں یاسر کو پولیس نے تحقیقات کرنے کے غرض سے حراست میں لیا۔ انہوں نے کہا کہ یاسر بے گناہ ہیں لہذا اسے رہا کیا جائے۔'
یہ بھی پڑھیں: اننت ناگ: منگہال علاقے میں سی آر پی ایف کی فائرنگ میں ایک ہلاک
واضح رہے کہ گزشتہ روز اننت ناگ کے مونگل برج میں سینٹرل ریزرو پولیس فورس (سی آر پی ایف) کے اہلکاروں کے ہاتھوں سکارپیو گاڑی پر فائرنگ کے نتیجہ میں ایک شہری کی موت واقع ہوگئی۔
