جموں کشمیر کے لفٹینٹ گورنر کے حکم کے مطابق غلام احمد میموریل سب ضلع ہسپتال منڈی میں 75 ویں جشن آزادی کے حوالے سے ایک تمدنی پروگرام منعقد کیا گیا۔ اس پروگرام کی سربراہی بلاک میڈیکل آفیسر منڈی نصرت النساء بھٹی کررہی تھیں۔
محکمہ صحت کی جانب سے منعقدہ اس پروگرام کو ملک کی خاطر اپنی جانوں کو قربان کرنے والوں کو عقیدت پیش کرنے کے لیے شروع کیا ہے۔ جو آئندہ سال آزادی کے پچھتر سال مکمل ہونے تک جاری رہے گا۔ جس کو تمام محکمہ جات اپنے اپنے طور پر منانے کا اہتمام کریں گے۔
کلچرل اکیڈمی کے زیر اہتمام 'آزادی کا امرت مہاتسوا پروگرام' میں اردو، ہندی، پہاڑی اور پنجابی میں گیت سنگیت کے ذریعہ ہسپتال عملہ کی دل جوئی کی گئی ہے۔
یہ بھی پڑھیں:گلمرگ میں فوج نے 100 فٹ لمبا ترنگا نصب کیا
کلچرل پروگرام کے منتظم سینئیر صحافی اور معروف ماہر نظامت پردیپ کھنہ نے کہا کہ 12مارچ 2021 کو وزیر اعظم ہند کی جانب سے 81 افراد پر مشتمل ایک قافلہ ہری جھنڈی دیکھا کر گجرات کے سابرمتی سے روانہ کیا گیا تھا، جو ملک کے کونے کونے میں گھوم رہا ہے اور ملک کے لیے اپنی جان کی قربانی دینے والے شہداء کو خراج تحسین پیش کر رہا ہے۔اسی حوالے سے منڈی سب ضلع ہسپتال میں بھی ایک پروگرام منعقد کیا گیا ہے۔آزادی کا امرت مہااتسو اس پروگرام کو نام دیا گیا ہے۔
جموں وکشمیر کے لیفٹنٹ گورنر کے حکم کے مطابق یہاں یہ پروگرام منعقد کیا گیا۔انہوں نے کہا کہ یہ ملک کسی ایک فرقہ، قوم یا فرد کا نہیں ہے۔ بلکہ ہندو، مسلمان، سکھ اور باقی تمام مذاہب کی مشترکہ قربانیوں سے یہ ملک ہمیں نصیب ہوا ہے۔
