گہلوت حکومت کے تین برس مکمل ہونے پر Third Anniversary of Ashok Gehlot's Govt کانگریس پارٹی کی جانب سے 17 دسمبر کو جشن منایا جائے گا، جبکہ راجستھان کے نوجوانوں کا کہنا ہے کہ گزشتہ تین برسوں میں راجستھان کی گہلوت حکومت نے کسی طرح کے کوئی بڑے کام نہیں کرائے جسے ہم لوگ گنا سکیں۔
نوجوانوں کا کہنا ہے کہ جس طرح سے آج راجستھان میں پیٹرول اور ڈیزل کی قیمتیں پورے ہندوستان کے مقابلے سب سے زیادہ ہیں مزید بجلی کے بل بھی راجستھان کی عوام پورے بھارت کے مقابلے زیادہ بھرنا پڑ رہا ہے۔
راجستان کی سڑکوں کے حالات خراب ہے، لیکن پھر بھی حکومت کی جانب سے اس پر کوئی توجہ نہیں دی جارہی ہے، ہم تو یہی کہیں گے کہ 3 برس جو گہلوت حکومت کا مکمل ہونے جا رہا ہے اس میں کسی طرح سے کوئی بھی کام نہیں ہوا ہے۔
نوجوانوں کا کہنا ہے کہ ہم راجستھان حکومت سے یہ مطالبہ کریں گے کہ جس طرح سے راجستھان میں سڑکوں کی حالت خراب نظر آرہی ہے، اسے صحیح کیا جائے، تاکہ جو حادثات یہاں آئے دن ہوتے ہیں ان میں کمی آئے۔
نوجوانوں کا مزید کہنا تھا کہ پٹرول اور ڈیزل کی قیمتوں میں کمی آنی چاہیے، وہیں دہلی کی طرز پر ہمیں کم قیمت پر بجلی مہیا کرانی چاہیے۔
