محکمہ صحت کی طرف سے جاری رپورٹ کے مطابق ریاست کے دارالحکومت جے پور میں 8، کوٹہ میں 2، جھنجھنو میں 2، جودھپور میں 2 اور ناگور باسواڈا اور اجمیر میں ایک ایک نئے کورونا مثبت مریض سامنے آئے ہیں۔
اس دوران جے پور کے ایس ایم ایس اسپتال میں داخل ناگور کی رہنے والی ایک 62 سالہ خاتون کی موت ہو گئی۔ خاتون کو گزشتہ 18 اپریل کو ایس ایم ایس اسپتال میں داخل کرایا گیا تھا۔ خاتون کی گذشتہ روز ہی رپورٹ مثبت آئی اور دیر رات ان کی موت ہو گئی۔ ذرائع کے مطابق ریاست میں اب تک اس عالمی وبا سے 24 افراد جاں بحق ہو چکے ہیں۔
