ریاست راجستھان کے وزیر اعلی اشوک گہلوت نے پولیس محکمہ کو نئی گاڑیاں سپرد کیں، ان گاڑیوں میں 127 سگمہ موٹرسائیکل اور 70 چیتک فور ویلر شامل ہیں، ان تمام گاڑیوں کے ذریعے کرونا وبا کے دوران ایک ریلی بھی نکالی گئی، اس درمیان پولیس محکمہ کے تمام اعلیٰ افسران اور حکومت کے ذمہ داران موجود رہے۔
جے پور کے ایڈیشنل کمشنر اجے پال لامبہ نے بتایا کہ پولیس کی پرانی گاڑیوں میں جو کیمرے لگے تھے وہ تمام کیمرے پولیس کے ابھے کمانڈ سینٹر سے نہیں جڑے تھے اب ان نئی گاڑیوں کے کیمرے پولیس کے ابھے کمان سینٹر سے جڑے ہوئے ہیں۔
انہوں نے کہاکہ' جو نئی گاڑیاں پولیس کو دی گئی ہیں ان میں کافی زیادہ نئے فیچرز ہیں، انہوں نے بتایا کہ کسی جگہ سے کوئی فون آنے پر ہماری پولیس کی گاڑی پہنچ جاتی تھی لیکن پروگرام ختم ہوا یا نہیں اس بارے میں معلومات نہیں ہو پاتی تھی۔
اب اس نئی گاڑی کے ذریعے ہمیں یہ پتہ چلےگا کہ وہ پروگرام کتنی دیر چلا اور کب ختم ہوا، انہوں نے بتایا کی نئی گاڑیوں میں جی پی ایس سسٹم ڈالا گیا ہے اور سافٹ ویئر کو اپ ڈیٹ کیا گیا ہے، جس کے ذریعے ہمیں تمام انفارمیشن ملتی رہیں گی۔
