ریاست راجستھان کے دارالحکومت جے پور کے ضلع کلیکٹریٹ پر 18 جنوری سے جاری غیر معینہ دھرنا گزشتہ دیر شب ختم کرنے کا اعلان کیا گیا۔
یہ اعلان راجستھان اردو ادب تنظیم کے ریاستی صدر امین قائم خانی کی جانب سے کیا گیا۔
لیکن بڑی بات یہ ہے کہ یہ جو غیر معینہ احتجاجی مظاہرہ 18 جنوری سے مسلسل جاری تھا اور یہ مطالبہ کیا جا رہا تھا کہ راجستھان کے وزیراعلیٰ اشوک گہلوت سے ملاقات کروائی جائے یہ مطالبات پورے نہیں ہو سکے اور دیگر مطالبات ہے ان کو لے کر یہ کہا جا رہا تھا کہ ہم وزیراعلی کے درمیان اس مطالبات کو رکھیں گے اور کسی بھی اعلیٰ افسران سے ملاقات نہی کریں گے ان میں سے بھی کوئی بھی مطالبات ان کے پوریےنہیں ہوسکے لیکن افسران کی جانب سے بھروسہ دلایا گیا کہ مطالبات کو پورا کیا جائے گا۔
اس بھروسے کی بنیاد پر گزشتہ شب دھرنا ختم کرنے کا اعلان کردیا گیا۔
اس غیر معینہ دھرنے کے ختم ہونے کے بعد تمام مظاہرین اپنے اپنے گھر کی جانب روانہ ہوگئے۔
واضح رہے کہ گزشتہ روز ہی یہ تمام مظاہرین جئے پور کلیکٹریٹ سے وزیر اعلی اشوک گہلوت کی رہائش گاہ کوچ کرنے کے لیے روانہ ہوئے تھے۔ جس کے بعد میں ان کو پولیس کی جانب سے سیول لائن فاٹک پر ہی روک لیا گیا تھا اور یہ افسران سے ملاقات کرنے کے لیے سیکرٹری پہنچے تھے۔
