یہ پورا معاملہ اسپیشل آپریشن گروپ (اس او جی) کی جانب سے اسمبلی رکنیت کے معاملے میں نائب وزیراعلی پائلٹ کو دیے گئے نوٹس کے بعد شروع ہوا تھا۔ جب سچن پائلٹ نے کہا تھا کہ پولیس نے مجھے معلومات کے لیے بلایا اور نوٹس ملنے کے بعد میں کافی زیادہ شرمندہ ہوا تھا۔
ریاست راجستھان کی سیاست میں ایک نیا موڑ آنے والا ہے، ذرائع کے مطابق راجستھان کے نائب وزیر اعلی اور کانگریس کے ریاستی صدر سچن پائلٹ کانگریس کو الوداع کہہ سکتے ہیں اور بی جے پی میں شامل ہو سکتے ہیں۔
سچن پائلٹ کو پولیس کی جانب سے نوٹس ملنے کے بعد شرمندہ ہونے کی بات کہی تھی اور وہ گزشتہ روز مدھیہ پردیش کے جیوتی رادتیہ سندھیہ سے ملاقات کر کے بھی آئے تھے اور جس طرح سے پوری پارٹی کے رہنما بیان دے رہے ہیں اس سے یہ پتہ چلتا ہے کہ پائلٹ جلد ہی کانگریس کو الوداع کہہ سکتے ہیں۔
دوسری جانب کانگریس کے رہنماؤں کا کہنا ہے کہ بی جے پی کا نظریہ ہے کہ جمہوریت کو ختم کیا جائے۔ وہ دوسری ریاستوں کی طرح راجستھان میں بھی حکومت کو گرانا چاہتے ہیں لیکن ان کے منصوبوں کو کانگریس پورا نہیں ہونے دیگی۔
