رکن اسمبلی نے ایک ویڈیو کلپ جاری کرکے کہا کہ عرفان ایک بہترین اداکار تھے جن کا مقام کوئی بھی نہیں لے سکتا۔ اداکار عرفان خان کا آج انتقال ہو گیا۔ بدھ کی دوپہر کو انہیں ممبئی میں سپرد خاک کیا گیا۔ عرفان خان کا ریاست راجستھان سے گہرا تعلق رہا ہے۔ ایسے میں ان کے انتقال کی خبر ملنے پر جہاں ایک جانب کانگریس اور بی جے پی کے سینئر رہنماؤں کی جانب سے غم کا اظہار کیا گیا ہے تو وہی دوسری جانب ریاست راجستھان کے دارالحکومت جے پور کے آدرش نگر اسمبلی حلقے سے رکن اسمبلی نے اداکار عرفان خان کے بارے میں کہا کہ عرفان خان کا دنیا کو ایسے آلودہ کہنا یقیناّ غم کی بات ہے۔
انہوں نے کہا کہ عرفان خان نے جو مقام حاصل کر کے جے پور اور ریاست راجستھان کا نام عالم بھر میں روشن کیا ہے اس کو کبھی بھی نہیں بھلایا جا سکتا۔ رفیق خان نے کہا کہ اللہ تعالی عرفان خان کو جنت الفردوس میں اعلی سے اعلی مقام عطا فرمائے اور ان کے گھر والوں کو صبر عطا فرمائے۔
واضح رہے کہ تین روز قبل ہی عرفان خان کی والدہ کا بھی انتقال ہو گیا تھا لیکن بیمار ہونے اور لاک ڈاؤن ہونے کی وجہ سے وہ ان کی آخری رسومات میں شامل نہیں ہو پائے تھے۔
