سیلابی صورت حال کے مدنظر راجستھان حکومت کی جانب سے مسلسل میٹنگ کی جارہی ہے، تاکہ کوئی بڑا حادثہ رونما نہیں ہو۔
تمام محکموں کے افسران کو یہ ہدایت دی گئی ہے کہ کوئی بھی بغیر وجہ اپنے دفتر کو نہیں چھوڑے۔
بھاری بارش ہونے کی وجہ سے دارالحکومت جے پور کے فاغی، کوٹہ کے دیولی عرب کی کالونی، خاتولی، ٹونک، اجمیر، دھولپور سمیت دیگر علاقوں میں مقامی افراد کو محفوظ جگہ پر منتقل کیا جا رہا ہے۔
عوام سے اپیل کی جا رہی ہے کہ کوئی بھی بلا وجہ اپنے گھروں سے باہر نہیں نکلے، بہت ضروری کام ہونے پر ہی اپنے شہر سے باہر کا سفر طے کریں ورنہ مشکلات کا سامنا کرنا پڑ سکتا ہے۔
صدر تھانہ ٹونک کے انچارج دشرتھ سنگھ نے بتایا کہ بارش کے قہر کے مدنظر راستوں کو بند کردیا گیا ہے، جن علاقوں میں حالات خراب ہورہے ہیں ان علاقوں میں پولیس کے جوان بھی تعینات کر دیے گئے ہیں۔
انہوں نے بتایا کہ ایس ڈی آر ایف کی ٹیم بھی ہم لوگوں کا پورا تعاون کر رہی ہے۔
مزید پڑھیں:
جےپور: بارش سے قبروں کو نقصان پہنچا
واضح رہے کہ گزشتہ روز بھی دارالحکومت جے پور میں بارش کی وجہ سے 100 برس پرانا ایک درخت ٹوٹ کر گیا تھا، جس کے نیچے دبنے سے ایک نوجوان ہلاک ہو گیا تھا۔
