فرید صابری کی نماز جنازہ جے پور کے مسکین شاہ درگاہ میں ادا کی گئی، عبدالعلی نے فرید صابری کی نماز جنازہ ادا کرائی۔ ان کی قبر پر دعائے مغفرت کی گئی اور خدا سے دعا کی کہ انہیں جنت الفردوس میں اعلی سے اعلی مقام ملے۔
غمگین ماحول میں فرید صابری سپرد خاک
وہیں ان کے جنازے میں شریک ہونے کے لئے کثیر تعداد میں لوگ پہنچے لیکن ان کے خاندان کے لوگوں کی جانب سے یہ کہا گیا کہ موجودہ حالات کو دیکھتے ہوئے حکومتی گائیڈ لائن کا مکمل خیال رکھا جائے اور ان کو گھروں سے ہی خراج عقیدت پیش کیا جائے۔ ان کے بیٹے عبداللہ صابری کا کہنا ہے کہ 'ہم عوام سے مستقل طور پر یہ اپیل کر رہے ہیں کہ وہ زیادہ بھیڑ جمع نہ کریں۔'
واضح رہے کہ فرید صابری جے پور کے چار دروازے علاقے کے باشندے تھے، اور بالی ووڈ کی کئی قوالیوں میں انہوں نے اپنا کلام پیش کیا تھا۔
