اس معاملہ کو لے کر جے پور میں واقع شہید اسمارک پر احتجاجی مظاہرہ بھی کیا جارہا ہے۔ اس احتجاجی مظاہرے میں شامل ہونے کے لئے ریاست راجستھان سے کثیر تعداد میں سب انسپکٹر کا امتحان دینے والے شہید اسمارک پہنچے ہیں۔
شہید اسمارک پر راجستھان حکومت کے خلاف نعرے بازی کی جارہی ہے۔ اس احتجاجی مظاہرے کے دوران مظاہرین نے کہا کہ جس طرح سے سب انسپکٹر امتحان میں فرضی طلباء کو پکڑا گیا، جہاں جہاں پر امتحان ہوئے ہیں اور ان سینٹر میں اساتذہ کی ملی بھگت کی وجہ سے طلبہ کا مستقبل اندھیرے میں نظر آرہا ہے۔
راجستھان حکومت کو یہ چاہیے تھا کہ جو 13، 14 اور 15 ستمبر کو امتحان منعقد ہوئے امتحان کو ایک ہی روز مکمل کروانا چاہیے تھا، لیکن حکومت نے ایسا نہیں کیا اور ہم لوگوں نے دیکھا کہ کافی زیادہ تعداد میں فرضی طلبہ کو پکڑا گیا۔
مزید پڑھیں:جے پور: انسپکٹر بحالی امتحان میں فرضی گروہ کا پردہ فاش
ان لوگوں کا کہنا تھا کہ جو 26 ستمبر کو ریٹ امتحان ہورہے ہیں۔ ان امتحان کو 26 لوگ دیں گے لیکن یہ ایک ہی روز میں مکمل ہورہا ہے جو سب انسپکٹر امتحان میں 6 لاکھ لوگ بیٹھے تھے وہ 3 روز میں مکمل ہوا۔ اس سے صاف طور پر پتہ چلتا ہے کہ کہیں نہ کہیں دھاندلی ضرور ہوئی۔
