اسسٹنٹ سب انسپکٹر جگجیون سنگھ نے بتایا کہ بایتو کلا کے باشندے نریش اپنی بیوی شکنتلا دیوی کے ساتھ گذشتہ رات بائک پر سوار ہو کر کھیڑلی سے کٹھومر جا رہے تھے۔ اس دوران راستے میں ٹریکٹر ٹرالی ڈرائیور نے لاپروائی سے چلاتے ہوئے بائک کو ٹکر مار دی۔
اس حادثے میں نریش کی موقع پر ہی موت ہو گئی جبکہ بیوی سنگین طور پر زخمی ہوگئی جسے ڈاکٹروں نے الور جنرل ہسپتال ریفر کر دیا جہاں رات کو علاج کے دوران اس کی موت ہوگئی۔
وہیں ٹریکٹر ڈرائیور، ٹریکٹر سمیت موقع سے فرار ہو گیا۔ پولیس کی جانب سے پوسٹ مارٹم کرواکر لاش اہل خانہ کو سونپ دی گئی ہے اور معاملے کی تفتیش کی جا رہی ہے۔
