کانگریس کا جے ای ای ، نیٹ امتحانات ملتوی کرنے پر احتجاج و مظاہرہ

راجستھان میں کانگریس جے ای ای اور نیٹ کے امتحانات ملتوی کرنے کی مانگ کے سلسلے میں جے پور سمیت ریاست کے سبھی ہیڈکوارٹروں پر مرکزی حکومت کے دفاتر کے سامنے احتجاج و مظاہرہ کرے گی۔

راجستھان ریاستی کانگریس کمیٹی کے صدر گووند سنگھ ڈوٹاسرا نے آج بتایا کہ کورونا وبا کے سبب طلبا کے ذریعہ جے ای ای اور نیٹ کے امتحانات کے ملتوی ہونے پر تحریک چلائی جارہی ہے لیکن مرکزی حکومت کورونا وبا کے خطرے کے باوجود امتحان کرانے پر بضد ہے ۔
انہوں نے بتایا کہ موجودہ وقت میں امتحانات کرانے کے فیصلے نے لاکھوں اہل خانہ اور طلبا کی مشکلیں بڑھا دی ہیں۔ مرکزی حکومت کے اس فیصلے کی وجہ سے طلبا و طالبات میں تناؤ پیدا ہوگیا ہے۔ اس سلسلے میں 28 اگست کو گیارہ بجے جے پور میں واقع ایم این آئی ٹی گیٹ ، جے ایل این مارگ پر احتجاج و مظاہرہ کیا جائے گا، جس میں وہ اور سینئر کانگریس اور کارکنان موجود رہیں گے۔