نونہالوں نے عوام سے سادگی کے ساتھ عید منانے کی اپیل کی

عالمی وبا کورونا وائرس کے پیش نظر ملک بھر کے علما کرام عوام سے عید کے موقعے پر گھروں میں رہنے کی اپیل کررہے، اس ضمن میں ننھے بچوں نے بھی عوام سے گھروں میں رہنے کی اپیل کی ہے۔

راجستھان کی دارالحکومت جئے پور کے عیدگاہ علاقے کے ون ویہار کالونی کے ننھے منے بچوں نے عوام کے نام ایک پیغام جاری کیا ہے، اس پیغام میں معصوم بچے مسلم عوام سے عید کی خریداری نہ کرنے کی اپیل کررہے ہیں۔

اس موقعے پر ای ٹی وی بھارت کے ساتھ بات چیت کرتے ہوئے بچوں نے کہا کہ' بھارت سمیت دنیا بھر کے لوگ کووڈ۔19 سے متاثر ہیں، اس لیے ہم عوام سے اپیل کررہے کہ وہ خریداری سے بچیوں اور اپنے رقومات کو ضرورت مندوں کے درمیان تقسیم کریں۔ بچوں نے عید کے موقعے پر عوام سے گھروں میں ہی رہنے کی اپیل کی۔