راجستھان میں 'چھپاک' ہوئی ٹیکس فری

بالی ووڈ کی معروف اداکارہ دیپکا پڈوکون کی اداکاری سے سجی فلم 'چھپاک' تیزاب حملے سے متاثرہ خاتون پر مبنی فلم ہے، فلم میں دکھایا گیا ہے کہ تیزاب حملے کے بعد اسے اپنی زندگی میں کس طرح کی مشکلوں کا سامنا کرنا پڑتا ہے۔

واضح رہے کہ اداکارہ دیپیکا پڈوکون نے جے این یو کے طلبأ پر ہوئے مبینہ حملے کی مذمت کی تھی اور انھوں نے دہلی جاکر متاثرہ طلبأ سے اظہار ہمدردی کی تھی۔

دیپیکا کے اس عمل سے بی جے پی کارکنان کافی ناراض ہوگئے تھے اور انھوں نے اس فلم کا بائیکاٹ کرنے کا اعلان کیا تھا جس کے بعد کانگریس نے اس فلم کی حمایت کی۔

کانگریس برسر اقتدار والی ریاستوں جیسے، چھتیس گڑھ، مدھیہ پردیش کے بعد اب راجستھان حکومت نے بھی فلم 'چھپاک' کو ٹیکس فری کرنے کا اعلان کیا ہے۔

واضح رہے کہ یہ فلم 10 جنوری بروز جمعہ کو ریلیز کی گئی ہے۔