ریاستی الیکشن کمیشن نے پنچایتی راج اداروں کے ضمنی انتخابات کے لیے انتخابی شیڈول کا اعلان کردیا ہے۔ شیڈول کے مطابق ان ضمنی انتخابات کے لیے 14 جولائی کو نوٹیفکیشن جاری کیا جائے گا۔ اس کے لیے کاغذات نامزدگی 19 جولائی کو صبح 10.30 بجے سے شام 4.30 بجے تک جمع کیے جاسکیں گے۔
چیف الیکٹورل آفیسر اور سکریٹری چترا گپتا نے بتایا کہ کاغذات نامزدگی کی جانچ پڑتال 20 جولائی کو ہوگی اور 20 جولائی سہ پہر 3 بجے تک نام واپس لیے جاسکیں گے۔
اس کے بعد 22 جولائی کو انتخابی نشان کی تقسیم ہوگی۔ ضمنی انتخاب کے لیے پولنگ 25 جولائی کو صبح 7.30 بجے سے شام 5.30 بجے تک ہوگی۔ ووٹوں کی گنتی بھی 26 جولائی کو ووٹنگ ختم ہونے کے فوراً بعد ہی شروع ہوجائے گی۔
یہ بھی پڑھیں: ذات پات پر مبنی ریزرویشن کو ختم کرنے کی درخواست مسترد
اسی طرح اپ سرپنچوں کے لیے ضمنی انتخاب 26 جولائی کو ہونگے۔ انہوں نے بتایا کہ ریاست کی 50 گرام پنچایتوں میں سرپنچ کی خالی آسامیوں اور ان ہی گرام پنچایتوں میں اپ سرپنچ اور وارڈ پنچوں کی خالی آسامیوں کو پُر کرنے کے لئے ضمنی انتخابات ہوں گے۔
(یو این آئی)
