راجستھان میں راج سمند کی رکن پارلیمنٹ دیا کماری کی کورونا رپورٹ پازیٹو آئی ہے۔
یہ اطلاع بدھ کی دیر رات انہوں نے خود اپنے ٹویٹر اور دیگر فیس بک اکاؤنٹس کے ذریعہ دی۔
بھارتیہ جنتا پارٹی کی ریاستی جنرل سکیرٹری دیا کمار نے پچھلے دنوں اپنے رابطے میں آئے لوگوں کو کورونا ٹیسٹ کرانے اور قرنطینہ میں رہنے کی صلاح دی ہے۔ وہ بدھ کو راج سمند ضلع میں منعقد مختلف پروگراموں میں بھی شامل ہوئی تھیں۔
رکن پارلیمنٹ نے پچھلے دنوں پنچایتی راج الیکشن کی انتخابی مہم کے سلسلے میں ضلع کے کئی گاؤں میں مسلسل دورے کئے۔
واضح رہے کہ راجسمند کی رکن اسمبلی کرن مہیشوری کا کورونا انفیکشن کی وجہ سے گزشتہ 30 نومبر کو انتقال ہوگیا تھا۔
