اسدالدین اویسی نے جے پور کا دورہ کیا

مجلس اتحاد المسلمین کے سربراہ اور حیدرآباد سے رکن پارلیمنٹ اسدالدین اویسی آج ایک روزہ دورہ پر راجستھان کے دارالحکومت جے پور پہنچے جبکہ ان کے دورہ کا مقصد معلوم نہ ہوسکا۔

جے پور دورے کے دوران اسدالدین اویسی نے ایک ہوٹل میں چند لوگوں سے ملاقات کی اور شام 5 بجکر 45 منٹ پر حیدرآباد کے لیے روانہ ہوگئے۔ اسد الدین اویسی آج صبح 12 بجے جے پور کے سانگانیر ایئرپورٹ پہنچے تھے۔

ایئرپورٹ سے سیدھے اسدالدین اویسی ایک ہوٹل پہنچے جہاں انہوں نے چند افراد سے ملاقات کی۔ اسدالدین اویسی کی جانب سے ہوٹل میں کچھ لوگوں سے ملاقات کے بعد راجستھان کے سیاسی گلیاروں میں بحث کا موضوع بنا ہوا ہے۔

حالانکہ جے پور سے حیدرآباد کے روانہ ہوتے وقت ایئرپورٹ پر میڈیا نے ان سے بات کرنے کی کوشش کی لیکن انہوں نے جواب دینے سے منع کردیا اور روانہ ہوگئے۔ جےپور ایئرپورٹ پر پارٹی کے کچھ اراکین بھی پہنچے تھے لیکن اسدالدین اویسی نے ان سے بھی ملاقات نہیں کی۔