عالمی وبا کورونا کے مدنظر راجستھان حکومت کی جانب سے حال ہی میں نئے پروٹوکول Corona Protocol جاری کئے گئے تھے۔ اس پروٹوکول کے تحت رات کو گیارہ بجے سے صبح پانچ بجے تک کرفیو نافذ کیا گیا تھا۔
یہ فلیگ مارچ راجستھان کے دارالحکومت جے پور میں واقع بڑی چوپڑ علاقے سے روانہ ہوا۔ تر پولیا بازار، باپو بازار، چوہری بازار، رام گنج بازار، چار دروازاہ، سبھاش چوک ہوتا ہوا بڑی چوپڈ علاقہ میں پر ختم ہوا یہ فلیگ مارچ ایڈیشنل ڈسٹرکٹ سپریڈنٹ پولیس سومن چودھری کی قیادت میں نکالا گیا۔
اس دوران پولیس کے جوان اپنی گاڑیوں میں سوار ہو کر عوام سے گزارش کرتے ہوئے نظر آئے کہ راجستھان حکومت کی جانب سے جو گائیڈ لائن کورونا کو لے کر جاری کی گئی ہے اس گائیڈ لائن کا خاص طور پر خیال رکھا جائے، وہی پولیس کے جوانوں کو ایک ساتھ دیکھ کر یہاں پر موجود عوام بھی کافی مستعد نظر آئی۔
وہی پولیس کی جانب سے نکالے جارہے مارچ کے تحت جے پور کے چار دروازہ سرکل پر مسلم برادری کی جانب سے پھول برسائے گئے۔
