اندور: مسلسل اڑتالیس دنوں سے مظاہرے

مرکزی حکومت کے ذریعے لائے گئے شہریت ترمیمی قانون این آر سی اور این پی آر کے خلاف ملک بھر میں احتجاجی مظاہروں کا دور جاری ہے۔وہیں صنعتی شہر اندور میں بھی مسلسل اڑتالیس روز سے احتجاجی مظاہرے ہو رہے ہیں۔

ریاست مدھیہ پردیش کے صنعتی شہر اندور میں شہریت ترمیم قانون این آر سی اور این پی آر کے خلاف خواتین نے کینڈل مارچ نکالا ۔

شہر کی خاتون نے جلتی ہوئی شمع لے کر ریلی کی شکل میں احتجاج میں شرکت کی جہاں مظاہرین نے ہندوستان زندہ باد انقلاب زندہ باد کے ساتھ ان کا خیرمقدم کیا۔

خواتین نے حب الوطنی کے نغمے گائے اس کینڈل مارچ میں خواتین اپنے ہاتھوں میں بینر لئے چل رہی تھی جس میں سماجی کارکن انا ہزارے سوئے ہوئے نظر آرہےہیں تو وہیں مظاہرین ان کو جگانے کی بھی کوشش کر رہے ہیں۔