کووڈ 19 کی صورتحال کا جائزہ لینے کے لئے حیدرآباد کے دورے پر پہنچی ایک بین وزارتی مرکزی ٹیم (آئی ایم سی ٹی) نے اتوار کے روز دوسرے روز بھی اپنا کام جاری رکھا۔
آج ٹیم نے تلنگانہ پولیس کے ڈی جی پی ایم مہندر ریڈی اور دیگر اعلی پولیس عہدیداروں سے ملاقات کی۔
وزارت جل شکتی کےایڈیشنل سکریٹری ارون باروکا کی سربراہی میں پانچ رکنی ٹیم کو پولیس کے ڈائریکٹر جنرل نے کورونا وائرس پھیلانے پر قابو پانے کے لئے ملک بھر میں لاک ڈاؤن کو نافذ کرنے کے لئے پولیس کے اقدامات کے بارے میں بتایا۔
پولیس چیف نے ٹیم کو کنٹینمنٹ زونز میں کیے گئے خصوصی اقدامات کی بھی وضاحت کی۔
یہ ٹیم گاندھی اسپتال کا دورہ کرے گی ، جہاں کوویڈ-19 کے زیادہ مریض زیر علاج ہیں۔
یہ ٹیم سماجی دوری کے اصولوں پر عمل درآمد،بے گھر اور مقیم افراد کی فلاح و بہبود کے بارے میں معلومات حاصل کرنے سبزی منڈی اور نائٹ شیلٹر کا بھی جائزہ لے گی۔
ڈاکٹر چندرشیکھر گیڈم ، سینئر پبلک ہیلتھ اسپیشلسٹ ، ڈاکٹر ہیما لتا، ڈائریکٹر ، نیشنل انسٹی ٹیوٹ آف نیوٹریشن ، وزارت صحت و خاندانی بہبود؛ ایس ایس ٹھاکر ، ڈائریکٹر ، صارفین کے امور کی وزارت۔ اور نیشنل انسٹی ٹیوٹ آف ڈیزاسٹر مینجمنٹ ، ایسوسی ایٹ پروفیسر شیکھر چترودی اس ٹیم کے ممبر ہیں۔
