حیدرآباد: حمایت ساگر کے دو دروازوں کو کھولا گیا

ریاست تلنگانہ میں شدید بارشوں کا سلسلہ جاری ہے۔ حیدرآباد اور نواحی علاقوں میں بارشوں کے سبب عام زندگی مفلوج ہوکر رہ گئی ہے۔ شہر حیدرآباد اور نواحی علاقوں میں شدید بارشوں کے سبب جہاں عام زندگی مفلوج ہوکر رہ گئی ہے وہیں آبی ذخائر میں بھی پانی کی سطح کافی بڑھ گئی ہے۔

حیدرآباد کے حمایت ساگر اور عثمان ساگر کے تالاب پانی سے بھرچکے ہیں، جس کے پیش نظر انتظامیہ نے حمایت ساگر کے دو دروازوں کو کھولنے کا فیصلہ کیا۔ حمایت ساگر، میر عثمان علی خان بہادر کے وزیر نواب حمایت جنگ بہادر نے تعمیر کروایا تھا۔

عثمان ساگر اور حمایت ساگر شہر حیدرآباد کے لوگوں کی پانی کی ضرورت کو پورا کرتے ہیں۔ منگل کی صبح حمایت ساگر کے دو دروازوں کو کھول دیا گیا۔