پنڈت جی منتر پڑھتے رہے،لڑکی بوائے فرینڈ کے ساتھ چل پڑی

ایک لڑکی جس نے اپنی شادی میں اپنے سابق بوائے فرینڈ کو دیکھا،درمیان میں ہی اپنی شادی روک دی اور فنکشن ہال سے چلی گئی۔ یہ انوکھا واقعہ تلنگانہ کے ضلع ونپرتی میں پیش آیا۔

شادی کے لیے پنڈت کی جانب سے منتر پڑھے جارہے تھے کہ اس دلہن کی اچانک نظر اس کے پرانے بوائے فرینڈ پر پڑی اور اس کو دیکھتے ہی لڑکی نے چیخ مارکر کہا کہ وہ یہ شادی نہیں کرے گی۔

اس شادی میں شریک دیگر مہمانوں نے دلہن کو کافی سمجھانے کی کوشش کی تاہم اس نے شادی سے انکار کردیا۔

دلہن کے رشتہ داروں نے کہا کہ جب اس نے منڈپ سے اپنے پرانے بوائے فرینڈ کو دیکھا تو اس نے شادی کرنے سے انکار کردیا۔ لڑکی کے رشتہ داروں نے اس لڑکے کو پکڑنے کی کوشش کی تاہم وہ وہاں سے فرار ہوگیا۔