تلنگانہ حکومت نے شہر حیدرآباد کی بڑی فروٹ مارکیٹ گڈی انارم کی کوہیڑا میں عارضی تعمیر پر توجہ مرکوز کر دی ہے۔
وزیر زراعت نرنجن ریڈی نے واضح کیا کہ شہر کے نواحی علاقہ حیات نگر کے باٹا سنگارم لاجسٹک پارک میں دسہرہ سے خریداری کا آغازکر دیا جائے گا۔ اسی روز کوہیڑا میں تاجروں کے لئے مقامات کی تعمیر کا سنگ بنیاد رکھا جائے گا۔
قبل ازیں کوتہ پیٹ میں وکٹوریہ ہوم کے مقام کا ریاستی وزراء محمد محمود علی اور سبیتا اندر ریڈی نے معائنہ کیا۔ اس موقع پر کمیشن ایجنٹس نے ان وزراء کو مشکلات سے واقف کروایا۔
وزیر زراعت نے اس موقع پر میڈیا سے بات کرتے ہوئے کہا کہ ’’وزیر اعلیٰ کے چندرشیکھرراو، گڈی انارم میں سرکاری اسپتال کی عمارت کا سنگ بنیاد رکھیں گے جس کا ہم تمام استقبال کرتے ہیں۔‘‘
مزید پڑھیں:تلنگانہ: گرلز اسلامک آرگنائزیشن کی 14 روزہ ’نہی عن المنکر‘ مہم کا آغاز
انہوں نے مزید کہا کہ تمام کی جانب سے اس مسئلہ کو اٹھائے جانے کے بعد ہی وزراء نے آج اس مقام کا معائنہ کیا۔ انہوں نے کہا کہ تاجروں کو تمام طرح کی سہولیات مارکٹ میں فراہم کی جائیں گی۔
مزید پڑھیں: تلنگانہ ہائی کورٹ نے 16 سالہ ریپ متاثرہ کو اسقاط حمل کی اجازت دی
انہوں نے نشاندہی کرتے ہوئے کہا کہ یہاں پر بہتر ماحول ہے اور بہتر سڑکیں بھی ہیں جس سے پھلوں کی منتقلی کے لئے آنے والی گاڑیوں کو سہولت ہوگی۔
وزیر زراعت کے مطابق ’’کولڈ اسٹوریج کی سہولت بھی فراہم کی جا رہی ہے، حکومت تمام قسم کے پھلوں کے تاجروں کو سہولیات فراہم کرنے کو یقینی بنائے گی۔‘‘
