تلنگانہ حج کمیٹی کے صدر مسیح اللہ خان نے کمیٹی کے دیگر ارکان کی موجودگی میں مختلف ٹینڈرز کو منظوری دی جس میں ٹینٹ ہاؤس کیٹرنگ اور ہاؤس کیپنگ وغیرہ شامل ہیں صدر حج کمیٹی کے مطابق آٹھ جولائی کو کو تمام محکمہ جات کی جانب سے مشترکہ جائزہ لینے کے بعد تیاریوں کا باقاعدہ آغاز ہوگا۔
ای ٹی وی بھارت سے بات کرتے ہوئے ہوئے مسیح اللہ خان نے کہا کہ رواں برس ریاست تلنگانہ سے 5 ہزار سے زائد عازمین سفر حج کے لیے روانہ ہوں گے، جبکہ ریاست آندھرا پردیش کے کوٹے میں باقی رہنے والی 2000 درخواستوں پر تلنگانہ کے عازمین کو فائنل کیے جانے کا امکان ہے۔
انہوں نے مزید بتایا کہ ریاست آندھر پردیش مہاراشٹر اور کرناٹک کے تقریبا 5000 عازمین بھی تلنگانہ حج کمیٹی کی زیر نگرانی روانہ ہون گے۔
صدرنشین حج کمیٹی نے بتایا کہ تلنگانہ حج کمیٹی نے عازمین مین زمین کی سہولت کے لیے ممکنہ حد تک انتظامات کو بہتر بنانے کی کوشش کی ہے۔
