چھتیس گڑھ میں نکسلیوں کے ساتھ ہوئے انکاونٹر میں ہلاک آندھرا پردیش سے تعلق رکھنے والے ایک سی آرپی ایف کانسٹبل کی لاش حیدرآباد کے شمس آباد ایئرپورٹ لائی گئی۔ کل شب انڈیگو فلائٹ 6E 624 کے ذریعہ یہ لاش لائی گئی۔
ایئر پورٹ پر کمشنر پولیس سائبرآباد وی سی سجنار نے دو کانسٹبل ایس مرلی کرشنا کو خراج عقیدت پیش کیا۔ انہوں نے کہا کہ اس انکاونٹر میں ہلاک سی آرپی ایف جوانوں کو تلنگانہ پولیس اور سی آرپی ایف کی طرف سے وہ خراج پیش کرتے ہیں۔
انہوں نے مرلی کرشنا کے غمزدہ ارکان خاندان سے تعزیت کا اظہار کیا۔ مرلی کرشناکی یاد میں دو منٹ خاموشی اختیار کر انہیں خراج عقیدت پیش کیا گیا۔بعد ازاں ان کی لاش بذریعہ ایمبولنس اے پی کے ضلع گنٹور میں ان کے آبائی گاوں گوئیڈ پوڈی بھیجی گئی۔
(یو این آئی)
