پرنسپال سکریٹری محکمہ بلدیہ نظم ونسق تلنگانہ اروند کمار نے کہا ہے کہ وزیر بلدی نظم ونسق کے تارک راما راو کی ہدایت پر 4 تا 10 نومبر کو گریٹر حیدرآباد میونسپل کارپوریشن (جی ایچ ایم سی) کی جانب سے بڑے پیمانہ پر سینی ٹیشن مہم چلائی جائے گی اور تمام علاقوں سے کچرے کی نکاسی کا کام بھی کیا جائے گا۔
وزیر بلدی نظم ونسق کے تارک راما راؤ نے اروند کمار کی جانب سے اس سلسلہ میں ٹوئیٹ کرتے ہوئے اطلاع دیئے جانے پر اس ٹوئیٹ کو ری ٹوئیٹ کیا۔
کے ٹی راما راؤ نے ان کے محکمہ کے ایک ٹوئیٹ کو بھی ری ٹوئیٹ کیا جس میں اعلان کیا گیا ہے کہ شہر حیدرآباد میں ہوئی حالیہ بارش کے سبب پیدا نالوں کے مسائل سے نمٹنے کیلئے اسٹراٹیجک نالہ ڈیولپمنٹ پروگرام کا کام شروع کیا جائے گا۔
واضح ہو کہ گزشتہ ماہ حیدرآباد میں سیلاب سے مچی تباہی کے بعد جی ایچ ایم سی کے مختلف علاقوں میں گندگی پھیل گئی ہے، جس سے مختلف قسم کے امراض پھوٹ پڑنے کا خطرہ پیدا ہو گیا ہے۔ اس کے پیش نظر محکمہ نے مختلف علاقوں میں بڑے پیمانے پر صفائی مہم چلانے اور سینیٹائز کرنے کا منصوبہ تیار کیا ہے۔
