' آر ٹی سی کو منافع بخش بنائیں'

تلنگانہ کے وزیر ٹرانسپورٹ پی اجئے کمار نے ہفتے کے روز بس میں سفرکیا، اور آرٹی سی خدمات کو فروغ دینے کی اپیل کی۔

انہوں نے رکن پارلیمان ناما ناگیشور راو اور رکن اسمبلی راملونائیک کے ساتھ کھمم سے کوتہ گوڑم تک بس میں سفر کیا۔ بعد ازاں وزیرموصوف نے عوامی نمائندوں کو مکتوب تحریر کرتے ہوئے ان سے خواہش کی کہ پلے پرگتی پروگرام(گاوں کی ترقی)پروگرام کے حصہ کے طورپر مہینہ میں ایک مرتبہ بس میں سفر کریں۔
انہوں نے کہاکہ حکومت کا مقصد ٹی ایس آرٹی سی کی بسوں کو منافع بخش بنانا ہے۔انہوں نے مزید کہا کہ حکومت جلد ہی کارگو بسیں متعارف کرے گی۔انہوں نے بس اسٹینڈز کی تعمیر جلد ختم کرنے کی بھی یقین دہانی کروائی تاکہ عوام کو راحت ملے۔