ریاست تلنگانہ کے شہر حیدرآباد میں کورونا وائرس متاثرین کی تعداد میں مسلسل اضافہ ہورہا ہے اور حیدرآباد کے متعدد علاقوں میں اس وبا سے متعدد اموات بھی ہوچکی ہے۔وہیں کورونا وبا کو پھیلنے سے روکنے کے لیے حکومت کی جانب سے حیدرآباد کے مختلف علاقوں میں کنٹینمنٹ زون بھی بنایا گیا ہے۔
جن علاقوں میں کورونا وائرس کے سبب اموات ہو رہی ہے ان علاقوں کو کنٹینمنٹ زون میں تبدیل کیا جارہا ہے لیکن حکومت کی جانب سے اس مہلک وبا کو پھیلنے سے روکنے کے لیے مثبت اقدامات نہیں اٹھائے جارہے ہیں۔
مقامی لوگوں کو کہنا ہے کہ حیدرآباد میں 30 ہلتھ سینٹرز قائم کیے گئے ہیں جو آبادی کے لحاظ سے کافی نہیں ہے۔
کورونا متاثرین میں تیزی سے اضافہ ہونے کے باوجود عوام میں حکومت کی جانب سے جاری کردہ ہدایات پر عمل پیرا نہیں ہیں اور اس مہلک بیماری کو نظر انداز کرتے ہوئے عوام میں تساہلی برتی جارہی ہے۔
ایسے نازک حالات میں حکومت پر یہ ذمہ داری عائد ہوتی ہے کہ عوام کے لیے بہتر سے بہتر اسباب مہیا کرے تاکہ ہر فرد کو اس مہلک بیماری سے بچایا جاسکے۔
