مکہ مسجد کے امام مولانا حافظ محمد عثمان نے ای ٹی وی بھارت کے ذریعے عوام سے اپیل کی کہ وہ گھر میں ہی رہیں بالخصوص مسلمانوں سے اپیل کی ہے کہ وہ اپنے گھروں میں ہی نماز کا اہتمام کریں۔ ضروری اشیاء جیسے دوائیوں کے لیے ہی گھر سے باہر نکلیں'۔
ملک بھر میں کورونا وائرس کا قہر جاری ہے، محکمہ صحت کے مطابق بھارت میں کل آج صبح تک 12،380 افراد کورونا وائرس سے متاثر ہوئے ہیں، جب کہ 414 افراد ہلاک ہوگئے ہیں، وہیں 1489 صحتیاب بھی ہوئے ہیں۔
اس وباء کے پھیلاؤ کو روکنے کے لیے اب تک دو میعاد میں ملک گیر سطح پر لاک ڈاؤن کیا گیا ہے لیکن پھر بھی حیدرآباد کے پرانے شہر کی سڑکوں پر خاصی آمد رفت کا سلسلہ جاری تھا۔
شہر میں رعیتو بازار اور اجناس کی دوکان پر اشیاء ضروریہ کی خریدی کے نام پر لوگوں کی بھیڑ کو دیکھ کر یہ اندازہ لگانا مشکل نہیں کہ یہاں کے باشندے کورونا وائرس کے تعلق سے کتنے سنجیدہ ہیں۔
اس ضمن میں گزشتہ دو دن سے پرانے شہر کے مختلف علاقے میں بیری کیٹ لگاکر آمد و رفت کو روکنے کی کوشش کی جارہی تھی۔ تاہم میر چوک ڈویژن میں کرونا کے 23 تلاب کٹہ میں 13 متاثرین پائے جانے کے بعد اب علاقے میں سنسی پھیلی ہوئی ہے۔ اس کے بعد لاک ڈاون پر سختی سے عمل آوری کی جارہی ہے۔
