سی پی آئی یاقوت پورہ (حیدرآباد) نے پٹرول اور ڈیزل کی قیمتوں میں مسلسل 19ویں دن بھی اضافے کے خلاف سنتوش نگر چوراہے پر دھرنا دیا۔
اس موقع پر جوائنٹ سیکریٹری آل انڈیا بنجارا سنگم اور سی پی آئی سٹی لیڈر شنکر نائک نے اس مسئلہ پر میڈیا کی مسلسل خاموشی پر بھی سوال اٹھایا۔ انہوں نے کہا: ’’ایسے سلگتے ہوئے مسئلہ پر میڈیا خاموش ہے جس سے میڈیا کی منافقت عیاں ہو جاتی ہے۔‘‘
انہوں نے مزید کہاکہ اگر نظرثانی شدہ قیمتوں میں کمی نہیں لائی گئی تو احتجاج میں شدت پیدا کی جائے گی۔
احتجاج میں سٹی کونسل ارکان اور دیگر شہریوں نے شرکت کرتے ہوئے اپنی ناراضگی کا اظہار کیا۔
