بالی وڈ سپر سٹار اور جِم کے برانڈ ایمبیسیڈر ریتک روشن کے خلاف حیدرآباد کے ایک پولیس سٹیشن میں میں دھوکہ دہی کا کیس درج کیا گیا ہے۔
پولیس کے مطابق کوکٹ پلی میں واقع کلٹ فٹ کارپوریٹ جم کے ایک رکن ششی کانت نے جِم میں گنجائش سے زیادہ افراد کو ممبر شپ دینے نے اور خود کو ٹرینرکی جانب سے مسلسل وقت نہ دیے جانے پر جم انتظامیہ کے خلاف مقدمہ درج کروایا۔
جم کے دیگر اراکین کے ساتھ بھی انتظامیہ کا یہی سلوک ہے، جبکہ بار بار متوجہ کرنے کے باوجود اس مسئلے کی یکسوئی نہ کیے جانے پر ان اراکین نے انتظامیہ کے خلاف احتجاج کیا۔
انتظامیہ نے ان کے خلاف کاروائی کرتے ہوئے ان اراکین کی رکنیت برخاست کردی جس کے خلاف انہوں نے پولیس میں شکایت درج کروائی۔
پولیس انسپکٹر کوکٹ پلی لکشمی نارائن نے کیس کی تفصیلات بتاتے ہوئے کہا کہ جم کے رکن ششی کانت کی جانب سے بے قاعدگیوں کی شکایت پر پولیس کلٹ فٹ جِم کے سی ای او انکت ڈائیریکٹر مکیش پنچالی اور دیگر کے علاوہ برانڈ ایمبسڈر رتیک روشن کے خلاف دفعہ 420 اور 406 کے تحت مقدمہ درج کیا ہے۔
خیال رہے کہ پولیس اس سلسلے میں تحقیقات کررہی ہے، جبکہ ریتک روشن اس کیس کے ملزم نمبر چار ہیں۔
