سی پی آئی ایم تلنگانہ یونٹ نے ’’بغیر کسی متبادل کے ریاست سے وی آر او سسٹم کو منسوخ‘‘ کرنے کی ٹی آر ایس حکومت کے قدم کی نکتہ چینی کی ہے۔ کل شب کابینہ کے اجلاس میں وی آر اوز بل 2020کو منسوخ کرنے کے لئے آرڈیننس منظور کیا گیا۔ حکومت نے جی او بھی جاری کرتے ہوئے آج سے اراضیات کے رجسٹریشن پر بھی روک لگا دی۔
اپنے بیان میں سی پی آئی کے ریاستی سیکریٹری ٹی ویرا بھدرم نے کہا کہ ’’وی آر اوز کا راست تعلق نچلی سطح کے کروڑ ہا خاندانوں سے ہے۔ کسی متبادل کے بغیر وی آر او سسٹم کو منسوخ کرنے سے مسائل پیدا ہوں گے۔‘‘
انہوں نے مزید کہا کہ سی پی آئی ایم ریونیو سسٹم میں کسی بھی اصلاحات کی مخالف نہیں ہے۔ ’’ہم ٹی آر ایس حکومت کے یکطرفہ فیصلوں کی مخالفت کرتے ہیں۔ وی آر او سسٹم کی منسوخی سے نہ صرف وی آر اوز میں بلکہ اس سسٹم پر منحصر افراد میں الجھن پیدا ہوگی۔ وی آر او سسٹم کو منسوخ کرنے سے پہلے حکومت کو چاہئے تھاکہ وہ وی آر اوز ملازمین یونین اور تمام سیاسی جماعتوں کے نمائندوں کی تشویش پر نظر رکھتی۔‘‘
