سی اےاے کی حمایت میں بی جے پی کی مہم

مرکزی مملکتی وزیر داخلہ کشن ریڈی نے کہا کہ 'شہریت ترمیمی قانون سے بھارتی مسلمانوں کو نقصان نہیں ہے۔'

بی جے پی کی جانب سے شہریت ترمیمی قانون کے حق میں شروع کی گئی مہم ، گروہ سمپرگ ابھیان، میں حصہ لیتے ہوئے مذکورہ وزیر نے حیدرآباد کے صنعت نگر علاقے میں عوام سے ملاقات کی۔
اس موقع پر انہوں نے کہا کہ 'کسی کو بھی اس قانون سے پریشان ہونے کی ضرورت نہیں ہے۔'
کشن ریڈی نے دعوی کیا کہ 'مودی حکومت کی کارکردگی اور ترقیاتی اقدامات سے گھبراکر مذکورہ قانون کی آڑ میں اپوزیشن جماعتیں گمراہ کن مہم چلارہی ہیں۔'
کشن ریڈی نے مزید کہا کہ 'شہریت ترمیمی قانون سے بھارت کے وہ مسلمان جو بیرون ممالک میں رہتے ہیں ان کی شہریت پر بھی کوئی خطرہ نہیں ہے۔'
اس موقع پر تلنگانہ بی جے پی کے صدر لکشمن نے متنازعہ ریمارک کرتے ہوئے سوال کیا کہ ٹی آر ایس حکومت آیا مسلمانوں کے لیے کام کررہی ہے یا پھر تلنگانہ کے عوام کے لیے کام کررہی ہے۔