'مسلمانوں کو گاؤں میں داخل ہونے کے نتائج بھگتنے ہوں گے'

جہاں ایک طرف پورا ملک کورونا وائرس کے خلاف جنگ لڑ رہا ہے اور اس وبا کو روکنے کے لیے پورے ملک میں لاک ڈاؤن کی مدت تین مئی تک توسیع کردی گئی ہے۔ وہیں مسلمانوں کے راستے بھی مسدود کیے جارہے ہیں۔

اس حکم نامے کے تحت گاؤں میں مسلم برادری کے لوگوں کے داخلے پر پابندی عائد کردی گئی ہے۔

'مسلمانوں کو گاؤں میں داخل ہونے کے نتائج بھگتنے ہوں گے'

موجودہ گاؤں کے پردھان نے دھمکی آمیز لہجے میں گاؤں کے باہر پوسٹر لگائے ہیں کہ مسلمانوں کو گاؤں میں داخل ہونے کے نتائج بھگتنے ہوں گے۔

گاؤں کی مسلم کمیونٹی نے کوتوالی لکسور میں تحریر دے کر گاؤں کے موجودہ پردھان اور دوسرے شخص کے خلاف کارروائی کا مطالبہ کیا ہے۔

لکشار پولیس آفیسر راجن سنگھ نے بتایا کہ اکودھا کلا گاؤں میں سنی ولد دھیر سنگھ لکشمی چند کے ذریعہ ایک خاص برادری کے تعلق سے پوسٹر چسپاں کیے گئے ہیں۔

اس طرح پابندی عائد کرنا سماجی ہم آہنگی کو توڑنے کے ساتھ ساتھ تشدد بھڑکانے جیسے جرم کے زمرے میں آتا ہے۔

لہذا ان دونوں کے خلاف تحریر کی بنیاد پر کارروائی کی جارہی ہے۔